Chegaba o Castroverde ó Castro Seoane cos deberes feitos, ca intención de desfrutar do último partido de liga e deixar a portería a 0 para ser o equipo menos goleado. 

As reducidas dimensións do terreo de xogo facían que o equipo local dominara o xogo. Ata en 2 ocasións se puideron poñer por diante, na primeira cun disparo que sae pegado ó poste e noutra ocasións que desbarata Rois. Para facer bo o dito de «quen perdoa pagao» o Castroverde púxose por diante cun fermoso gol de Gelo, logo dunha boa xogada persoal de Antonio. Co 0-1 chegábase ó descanso. 

A volta dos vestiarios a tónica do partido era a mesma, un Antas que tentaba levar o control do balón pero que non era capaz de facer dano. No minuto 72 Diego saca un corner que remata mordido Antón, o balón chegalle ós pes a Michel e anota o 0-2. Cinco minutos máis tarde Antonio fai o 0-3 logo dunha boa asistencia de Manu López. Non habería máis goles ata o remate do encontro.

Con este resultado acabamos a liga con 58 puntos, 4 máis que Portomarín e Monterroso B. Agora temos unhas semanas de descanso ata que comece a Copa Diputación.

No partido máis decisivo, penúltimo da tempada, a SD recibia o que foi dominador durante gran parte da liga, o Monterroso ‘B’. Un partido que se presumía tenso para os dous conxuntos, cumpríu a perfección co esperado.

Nunha veiga do olmo con gran ambiente, os visitantes conscientes da importancia do partido, comezaron dominando o xogo e metendo no seu campo o castroverde. Foron os primeiros 15, ata que a contra comeza a funcionar nos locais. Aínda que o dominio seguiu a ser maioritariamente visitante, sen ocasións claras, máis que faltas laterais botadas con pouca fortuna, o castroverde non se viña abaixo e tivo o primeiro da tarde nun duro disparo dende fóra da área de Gigan.

Pouco máis nunha primeira parte onde os nervios tiveron protagonismo para ambos conxuntos.

A volta dos vestiarios, o Castroverde seguí ben replegado, cun inmenso Javi (Rubio), pero co mesmo guión que na primeira. Aínda así, a falta de comunicación entre a defensa e Rois, puido costar o primeiro o castroverde, pero o dianteiro visitante algo escorado o borde da área pequena, cruzo en exceso. Reaccionou o mister local, Fran, co primeiro cambio, sacando do terreo a Richard e metendo máis pólvora arriba, con Manu López. Este cambio provocou que o castroverde perdera máis o centro do campo. O cambio surtiu efecto, e no 30 da segunda, un roubo en medio campo, leva a Gelo a internarse na área, e cando parecía que perdía o balón, un sutíl toque fai que o defensor o derribe e penalty que o árbitro Miguel Ángel Vilas Lorenzo non dubidou en sinalar. Transforma a pena máxima Gaby e 1-0.

Este gol fixo que os visitantes se viñeran un pouco abaixo e cambiaran o seu xogo a balóns directos a área. Esto aínda favoreceu máis o xogo da SD, que nos últimos 15 minutos dominou o encontro a placer. E foi Marcos Gemelo quen tras un regate empala perfectamente un balón dende 30 metros e conseigue o dous cero. Un aunténtico golazo para certificar a vistoria e o ascenso. Pouco máis partido houbo, para un Monterroso que dominou sen inquedar a meta local e comprobar a templanza de Rois.

Ascenso merecido dunha SD xa matemáticamente primeira do grupo Sur da terceira rexional, moi regular durante toda a campaña, a pesar das dúbidas, dous empates, en semanas anteriores. A segunda autonómica esperanos, e de seguro este equipo nos dará moitas máis alegrías nun futuro próximo.

Na antepenúltima xornada o Castroverde visitou o campo do Ladairo. O equipo verdiblanco era consciente de que se enfrontaba a un equipo difícil que nunca pon as cousas sinxelas.

Comezaba o partido ca posesión de balón para o equipo visitante, un dominio que pronto se transformaría en ocasións de gol. No minuto 12 Bruno saca unha falta lateral que Gabi está a piques de converter no 0-1. Dez minutos máis tarde, o propio Gabi, remata dende fora da área unha boa xogada colectiva, o rexeite do porteiro cázao Manu López para facer o 0-1. Seguía o dominio do Castroverde, que tiña en Carlos o seu home máis desequilibrante, eran constantes as súas internadas por banda esquerda. Xusto antes de chegar ó descanso, nunha destas inclusións, saca un centro á área que envía ó fondo da portería un defensa tratando de despexar o balón. Co 0-2 chegábase o descanso.

A volta dos vestiarios, o Castroverde relaxouse un pouco e pasou uns minutos de dificultades, froito desta relaxación chegaría o gol local. Co 1-2 o equipo visitante volvería a ter ocasións pero non conseguía poñer distancia no marcador. Non sería ata o minuto 87 cando o Castroverde anotaría o 1-3 definitivo, Manu López saca un forte tiro dentro da área que rexeita o porteiro, este rexeite chégalle a Gabi que a portería valeira facía o 1-3 definitivo.

Con este resultado poñémonos líderes con un punto máis que o Monterroso B e 2 máis que o Portomarín. A vindeira semana xogamos na casa contra o Monterroso B, partido transcendental no que se pode decidir o ascenso de categoría. 

Esta fin de semana presentábase cheo de fútbol na Veiga do Olmo. O sábado o Castroverde recibía ó Becerreá e o domingo ó Relámpago Taboada. Os dous encontros saldáronse con amplas vitorias locais.

O sábado chegaba á Veiga do Olmo un Becerreá con só once efectivos para afrontar o encontro. O Castroverde saíu o campo ca intención de resolver o partido o antes posible, no minuto 12 xa gañaba 2-0 con goles de Gelo e de Gabi. Un dominio claro do conxunto local fixo que se chegara ó descanso cun claro 5-0 no marcador, Gabi noutras dúas ocasións e Antonio eran os encargados de anotar os goles.

Á volta dos vestiarios a tónica do partido era a mesma, un Castroverde lanzado sobre a portería visitante ampliaba a vantaxe por medio de Antonio que facía o segundo da tarde na súa conta particular e de Mario que anotou o definitivo 7-0.

O domingo quen visitaba a Veiga do olmo era o Relámpago Taboada, que o día anterior perdera na casa contra o Rio Sil por 0-2. Os dous equipos comezaban o partido con algún xogador que levaba 90 minutos as costas do día anterior. Comezaba o partido cunha ocasión clara para o Castroverde, na que Gelo ca súa perna dereita enviaba o balón rozando o pau da portería defendida por Jacobo. Pouco despois respondería o Relámpago a balón parado. O marcador non se movería ata que Richard no minuto 20 anotaba o 1-0 logo dunha asistencia de Manu López, dous minutos despois o propio Richard volvía marcar para poñer o 2-0. Antes do descanso, anotarían Diego e Gelo, ambos goles despois de dúas boas xogadas do equipo local.

A volta dos vestiarios e co 4-0 no marcador o Castroverde seguía apertando na procura dalgún gol máis. Abel, collía un rexeite na área visitante para facer o 5-0, pouco despois o Relámpago anotaría un fermoso gol obra de Luis. Diego respondería co segundo na súa conta particular e Gabi, 3 minutos despois de ingresar no terreo de xogo, facía o definitivo 7-1.

Con estes resultados e despois da derrota do Monterroso B en Quiroga, colocámonos segundos cun punto de vantaxe sobre o Monterroso B que é terceiro e a 2 do Portomarín que é o líder, con un partido máis.

Un terreo de xogo de dimensións reducidas e numerosas baixas por parte do Castroverde facían presaxiar un partido complicado. Comezaba o partido e xa se podía ver cal sería a tónica dominante do mesmo. Dous equipos ben pechados e buscando balóns longos para intentar sorprender. Chegaríase o descanso sen ocasións para o Castroverde e con unha para o Incio que consegue atallar Rois nunha magnífica estirada. 

Á volta dos vestiarios o Castroverde foi mellor, en dúas ocasións puido adiantarse por medio de Manu e Richard, pero o balón non quixo entrar e o marcador non se movería. O perigo do equipo local chegaba a balón parado. Deste xeito a dous minutos do final, Samuel remata un saque de esquina e obriga a Rois a facer unha parada de mérito.

Con este empate e logo da vitoria do Portomarín en Monterroso, seguimos na terceira posición a 4 puntos do Portomarín e a 5 do Monterroso que é o líder. Seguimos dependendo de nós mesmo para alcanzar os postos de ascenso directo.

Chegadao Rio Sil a Veiga do Olmo na cuarta posición, a seis puntos do Castroverde. Era un dos partidos máis difíciles do que queda de competición. 

Arrancaba o encontro sen un dominador claro, xogo pouco fluído e ningunha ocasión, a dureza do equipo visitante facía presaxiar un partido complicado para os locais. Co partido sen dono chegábase o minuto 35, Gelo saca unha falta dende o carril do 7 e consegue o 1 -0 cun fermoso gol. Cinco minutos máis tarde, o propio Gelo canea a 3 rivais e logo de tirar fai se dano nunha man o que o obrigou a abandonar o encontro.

Comezaba a segunda metade e o Rio Sil saía polo partido, no minuto 3 conseguía o empate nun saque de esquina, logo dunha clara falta o noso porteiro que non sinala o árbitro. O Castroverde intentou volver a poñerse por diante e podería conseguilo por medio de Gabi, pero o porteiro visitante estivo máis atinado e evitou o 2-1. Logo disto o partido entraría nunha fase bronca que rematou con un expulsado para cada equipo e varios cartóns amarelos. 

Con este empate perdemos a segunda posición, que agora ocupa o Portomarín, que nos saca dous puntos de vantaxe. Contamos con dous partidos menos que os nosos rivais polo que dependemos de nos mesmos para conseguir o tan ansiado ascenso. A vindeira semana visitamos o sempre difícil campo do Carboeiro, para medirnos ó Incio Terra Brava.

Chegaba o Castroverde ó campo do Gandarón sen gañar ningún partido como visitante no que vai de segunda volta. En fronte tiña un equipo que viña de remontar un 3-0 na anterior xornada, todo isto sumado as numerosas baixas que tiña o equipo verdiblanco facía presaxiar un partido complicado. 

Comezaba o partido con dominio visitante, Carlos e Diego dominaban o medio do campo e Gabi desequilibraba na zona do 10. No minuto 13, Pablo recupera un balón en medio campo que acaba nos pes de Gabi, este non erra no un para un. Co paso dos minutos o dominio era maior pero sen ocasións claras, dous foras de xogo dubidosos sinalados a Richi e Gabi cando encaraban o porteiro facían que se chegara o descanso cunha vantaxe mínima para os visitantes. 

Á volta dos vestiarios o Paradela adiantaba algo as liñas e deixaba máis espazos as súas costas. Deste modo Carlos recibe un balón as costas da defensa local e pon o 0-2 favorable o Castroverde. Poucos minutos máis tarde o colexiado sinala penalti a favor do Paradela que reduce distancias e dálle emoción ó partido. O equipo visitante non se veu abaixo, froito desta loita, Gabi rouballe un balón o porteiro visitante e a porta valeira pon o 1-3 definitivo.

Con este resultado seguimos na segunda posición a un punto do Monterroso B que é primeiro e empatados a puntos co Portomarín, que conta con 2 partidos máis. A vindeira semana visita a Veiga do Olmo o Rio Sil.

O Castroverde empata no Municipal de Laxosa nun partido con moita polémica arbitral. Comezaba o partido sen un dominador claro, o Laxosa estaba máis cómodo no campo con continuos balóns longos, a pesar disto non conseguían crear ocasións de perigo. Sería no minuto 26 cando se adiantarían no marcador cun gol en clarísimo fora de xogo, acción que viron todas as persoas que estaban no campo agás o colexiado. Na seguinte xogada conseguía empatar Gelo, logo dun rápida xogada de saque de centro. Antes de chegar o descanso o Laxosa volvería poñerse por diante no marcador, o rexeite dunha falta lateral chegaba ó borde da área, onde un xogador local remataba a portería, o balón rebotaba nun defensor modificando a súa traxectoria e facendo imposible a estirada de Rois. Co 2-1 chegábase o descanso. 

Na segunda parte o Castroverde saíu concienciado de darlle a volta o marcador, ós 3 minutos Gelo poñía o empate cun lanzamento dende fora da área. Os visitantes non se conformaron e foron polo terceiro que chegaría no minuto 65 logo dun lanzamento de falta. Co 2-3 no marcador o Castroverde puido aumentar a súa vantaxe con ocasións de Gelo, Manu, Antonio e Marcos Gemelo. Finalmente sería o Laxosa quen no minuto 97 conseguiría o empate. Con este resultado e despois da xornada de descanso caemos a segunda posición, 4 por debaixo do Monterroso B e 3 por encima do Portomarín. Ambos equipos contan cun partido máis.

O pasado sábado a S.D. Castroverde disputou o primeiro partido como local neste 2017. O rival era o Pradeda, que chegaba a Veiga do Olmo logo de afrontar a xornada de descanso. Comezaba o partido con dominio local, sen ocasións claras de gol pero co control do partido e o dominio do balón. Froito deste dominio, no minutos 10 unha contra levada a perfección por parte dos atacantes locais da lugar o 1-0, obra de Carlos Gemelo. Sería o propio Carlos o que no minuto 30 poñería o 2-0, un gol de belísimas factura, logo de enganchar unha volea na frontal da área. Pouco despois unha serie de despistes defensivos permítenlle o Pradeda acurtar distancias, Diego Castro remata un centro lateral e Rois non pode facer nada por evitar o tanto. Con este resultado chegábase o descanso.

A volta dos vestiarios a tónica seguía a ser a mesma, o Castroverde non pasaba polos seus mellores minutos, non conseguía facerse co control do partido. Como consecuencia destes malos momentos do equipo local, o Pradeda aproveita un balón longo as costas da defensa para poñer o empate a 2, algo impensable na primeira media hora de partido. A raíz deste gol o Castroverde deu un paso adiante para poder levarse os 3 puntos. Gelo por partida dobre e Marcos Gemelo serían os autores dos 3 goles que anotou a SD na segunda parte. 

Con esta vitoria e o empate do Monterroso en Rio Sil, volvemos a colocarnos de líderes, un punto por enriba do Monterroso e a oito de Rio Sil, Incio e Portomarín que están empatados a 29 puntos na terceira posición.

No primeiro partido do 2017 a S.D. Castroverde visitou o campo de San martiño para enfrontarse ó Quiroga. O partido comezaba cun equipo local moi intenso que tiña o control do partido pero sen xerar ocasións. Puido adiantarse o Castroverde en dúas ocasións por medio de Javi e de Manu, que mandaron fora dous rexeites do porteiro  local. Sería o Quiroga o que se adiantaría logo dun balón longo as costas da defensa visitante. A peor noticia do partido chegaría pouco antes do descanso cando Iago chocou cun rival e na caída sufriu unha fractura de clavícula.

A volta dos vestiarios o Castroverde buscou o empate, tiña o control do partido, froito deste dominio Richard anotaba o empate, gol anulado por un dubidoso fora de xogo. Cando mellor estaba o equipo visitante, outro balón a espalda da defensa costáballe o segundo gol o Castroverde. A pesar disto os verdiblancos non baixaron os brazos, no minuto 80 un defensa local derriba a Gabi dentro da área. O arbitro sinalou penalti, Richard sería o encargado de transformalo e acurtar distancia no marcador. Pouco despois o colexiado volveu anularlle outro gol o Castroverde por fora de xogo, nesta ocasión obra de Diego, igual que o primeiro foi unha decisión moi protestada polo equipo visitante. A 5 minutos para o final o Quiroga rouba un balón en área rival e anota o 3-1 definitivo. 

Con esta derrota perdemos o liderado e pasamos a ocupar a segunda posición, un punto por detrás do Monterroso e seis por encima do Rio Sil.