A S.D. Castroverde sucumbiu por un gol a cero no seu enfrontamento perante o Monterroso, nun aburrido encontro con escasas ocasións de gol por parte dos dous equipos sobre todo por parte local.
Na primeira metade o dominio foi alterno con ámbolos equipos perdendo rápido a bola e sen achegarse en demasía a meta rival agás un par de ocasións visitantes onde na primeira o remate do dianteiro do Monterroso paseouse pola liña de gol sen que naide o empuxara para adentro e na segunda oportunidade o meta local adiantouse ó dianteiro e conseguiu despexar antes de que éste controlara a bola e se prantara só. Por parte local tan so saliantar un par de disparos lonxanos sen perigo.
Na segunda metade o encontro transcurriu polos mesmos derroteiros, dominio alterno sen ocasións e cunha névoa que cubría todo o campo e que co paso dos minutos ía baixando perigosamente impedindo nalgunhas zonas a visibilidade no xogo. Así todo parecía que podía rematar en empate cando no minuto vinte unha contra aillada dos visitantes rematou en gol deixando moi tocado ós locais.
Co encontro perdido os locais adiantaron liñas e os visitantes adicaronse a pecharse na súa área na procura do final e por fin comezaron a chegar algunhas ocasións de gol pero sen sorte cara o marco.
Cando xa todo semellaba perdido primeiro porque a névoa cubría todo o campo e a visibilidade era nula e segundo porque os verdibrancos non eran quen de sobrepasar a muralla visitante chegou a falta de dez minutos un penalti a favor dos locais pero Richard lanzouno fora e acabou con toda esperanza de acadar algo positivo.
LIGA FANTÁSTICA
O M.V.P……………….3 PUNTOS MARCOS QUINTÁS.
O IMPRESCINDIBLE……….2 PUNTOS CHINO.
O REGULAR……………..1 PUNTO ADRIÁN.